Gwybodaeth bwysig

Diweddariad Coronafeirws - Gwybodaeth ddiweddaraf am beth yr ydym ni yn ei wneud a'r gefnogaeth sydd ar gael i chi a'n cymunedau- Mwy o wybodaeth

Gosod eich cartref

Os ydych yn meddwl cael lletywr neu gosod eich cartref, gwnewch yn siwr eich bod yn gwybod eich hawliau.

  • Lletywyr

    Mae lletywr yn rhannu ystafell yn eich cartref.

    Mae lletywr yn rhannu eich lle byw gyda chi a chi yw eu landlord.

    Nid oes gan y lletywr ddefnydd neilltuol o unrhyw ran o’r eiddo.

    Cael Lletywr

    Mae angen i rai tenantiaid gael ein caniatâd i gael lletywr.

    Mae’n dweud yn eich Cytundeb Tenantiaeth os oes angen i chi gael caniatâd neu beidio.

    Bydd angen i chi roi’r manylion yma i ni am eich lletywr:

    • enw
    • oedran
    • rhyw
    • pa ystafell fyddant yn ei gael
  • Is-denant

    Byddai gan is-denant ddefnydd neilltuol o rai rhannau o’ch cartref.

    Byddai is-denant yn rhannu rhannau eraill eich cartref. Fel arfer mi fyddai ganddyn nhw oriad eu hunain.

    Ni chewch is-osod eich cartref i gyd.

    Cael is-denant

    Mae’n dweud yn eich Cytundeb Tenantiaeth os oes gennych hawl i gael is-denant.

    Bydd angen i chi roi’r manylion yma i ni am eich lletywr:

    • enw
    • oedran
    • rhyw
    • pa ystafell fyddant yn ei gael

    Cyn cael Is-denant

    Eich cyfrifoldeb chi yw chwilio am is-denant.

    Os ydych chi neu eich is-denant yn cael Budd-daliadau Lles, bydd angen i chi ddweud wrth yr awdurdodau am unrhyw newidiadau i faint o bres sy’n dod i mewn.

    Eich cyfrifoldeb chi yw gwneud ymholiadau digonol cyn dewis lletywr neu is-denant. Mae angen i chi ofyn am:

    • Gwiriad statws mewnfudo ar gyfer unrhyw un sydd heb Basbort Prydeinig neu unrhyw un sydd ddim yn Ddinesydd Prydeinig
    • Cerdyn Preswylydd Parhaol
    • Caniatâd amhenodol i aros
    • Cerdyn caniatâd amhenodol i ddod mewn neu dim cyfyngiad amser wedi ei roi gan y Swyddfa Gartref

    Cynnal gwiriadau am bob oedolyn yr ydych yn bwriadu eu cymryd fel lletywr neu is-denant.

  • Sut byddwn ni yn helpu

    Os hoffech gael lletywr neu is-denant, byddwn yn rhoi manylion asiantaethau annibynnol i chi a all roi help a chyngor i chi.

    Gallwn roi cyngor i chi ynglŷn â chael is-denant.

    Byddwn yn ystyried pob cais am is-denant yn unigol. Ni fyddwn yn gwrthod heb reswm da.

    Rheswm efallai na fyddwn yn rhoi caniatâd i chi gael is-denant

    • os fyddai cael rhywun ychwanegol yn byw yn eich cartref yn golygu gorlenwi
    • os oes meini prawf cymhwysedd ar gyfer eich cartref, ac nad yw’ch is-denant yn cwrdd â’r rhain. Er enghraifft, os ydych chi’n byw mewn cartref gwarchod a bod angen i chi fod dros 55 oed.
    • os oes gorchymyn meddiant yn eich erbyn
  • Ymddygiad a hawliau eich lletywr neu is-denant
    • chi sy’n gyfrifol am ymddygiad eich lletywr neu is-denant yn eich cartref
    • byddwn yn cymryd camau yn eich erbyn os yw’ch lletywr neu is-denant yn golygu eich bod chi’n torri’ch cytundeb tenantiaeth
    • ni fydd eich tenantiaid neu is-denantiaid yn cael eu hystyried os byddwch yn gwneud cais am drosglwyddiad
    • os cewch eich symud i eiddo arall oherwydd gwaith mawr, nid ydym yn gyfrifol am ddod o hyd i le i’ch lletywr neu is-denant
    • os ydych mewn perthynas â’ch lletywr neu is-denant, rhowch wybod i ni ac unrhyw asiantaeth berthnasol arall
    • nid oes unrhyw beth cyfreithiol na chontract rhwng eich lletywr neu is-denant a ni.