Nwy Radon

Mae eich diogelwch yn flaenoriaeth i ni, ac fel eich landlord, mae’n ofyniad cyfreithiol i sicrhau bod eich cartref yn ddiogel.

Fel rhan o’n hymrwymiad i ddiogelwch a chydymffurfiaeth, rydym yn ymgymryd â rhaglen deng mlynedd i brofi am radon ar draws ein cartrefi. Os yw eich cartref wedi’i dewis i gael profion, byddwn yn cysylltu â chi’n uniongyrchol gyda’r holl wybodaeth angenrheidiol a’r camau nesaf.

Rydym wedi penodi RPW Radon Cymru (RPW) i gynnal profion nwy radon yn ein cartrefi.

Beth i’w ddisgwyl:

Bydd RPW yn gosod dau fonitor radon bach (tua maint pod coffi) yn eich ystafell wely ac ystafell fyw.
Bydd angen i’r monitorau hyn yn aros yn eu lle am 3 mis.
Ar ôl hynny, bydd RPW yn eu casglu i’w dadansoddi ac yn rhannu’r canlyniadau gyda ni.
Bydd y monitorau’n cael eu gosod gyda bachyn bach ac mewn lleoliad allan o gyrraedd i osgoi ymyrraeth.

Cwestiynau Cyffredin

Beth yw radon?

Nwy naturiol sydd heb unrhyw arogl na lliw iddo yw radon ac mae’n ffurfio yn y ddaear. Mae’n gallu treiddio i mewn i gartrefi trwy ffabrig yr adeilad.
Pam mae profi radon yn bwysig i Adra?

Mae profion radon yn bwysig i ni oherwydd gall lefelau uchel o radon achosi risgiau iechyd. Mae profion yn helpu ni i ddod i wybod am y risgiau hyn fel bod posib eu lleihau.
Sut mae profion radon yn cael eu cynnal?

Cynhelir y profion drwy osod dau fonitor radon bach (tua maint pod coffi) yn eich ystafell wely ac ystafell fyw am dri mis. Contractwr sydd wedi ei gymeradwyo gan Adra fydd yn gosod yr offer monitro radon. Maent yn mesur lefelau radon mewn ‘becquerels’ fesul metr ciwb o aer (Bq/m3 ).
Be mae'r synwyryddion yn eu mesur?

Dim ond lefelau nwy radon y mae’r offer monitro yn eu mesur – nid ydynt yn recordio nac yn casglu unrhyw ddata arall.
A fydd y profion yn tarfu ar fywyd bob dydd?

Rydym yn sicrhau nad yw’r broses brofi yn amharu ar fywyd bob dydd. Mae’r offer monitro radon yn fach ac nid oes angen eu plygio i mewn i unrhyw soced.
Ar ba lefel bydd angen gweithredu?

Os yw’r lefelau yn uwch na 200 Bq/m3 mi fyddwn yn cymryd camau i leihau’r lefelau.
Beth sy'n digwydd os fydd lefelau yn uwch na 200 Bq/m3 yn yr eiddo?

Os yw’r lefelau yn uwch na 200 Bq/m3, byddwn yn trafod y ffordd fwyaf effeithiol i leihau lefelau radon i fod yn is na Lefel Darged y DU gyda chi.
Pam ein bod wedi penderfynu cyflwyno prawf radon rwan?

Er mwyn sicrhau eich diogelwch a lles ac i sicrhau cydymffurfiaeth a deddfwriaeth gyfredol.
Dwi ddim eisiau i brofion gael eu cynnal - allai wrthod?

Mae eich diogelwch yn bwysig iawn i ni. Mae gennym rwymedigaeth gyfreithiol i gynnal asesiad risg a’r broses brofi i ddangos a oes angen mwy o waith.
Rwyf wedi ailaddurno yn ddiweddar. Fydd y profion yn gwneud llanast?

Ni fydd y broses brofi yn gwneud llanast. Mae’r offer monitro radon yn fach ac nid oes angen eu plygio i mewn.
Lle mae yna fwy o wybodaeth ar gael?

Mae mwy o wybodaeth am radon ar wefan UK Radon: www.ukradon.org