Rheolwyr
Iwan Trefor Jones
Prif Weithredwr
Iwan yw Prif Weithredwr Grŵp Adra, ar ôl ymuno fel Dirprwy Brif Weithredwr yn 2019.
Cyn hynny, bu Iwan yn Gyfarwyddwr Corfforaethol ar Gyngor Gwynedd am 16 mlynedd, gan roi arweiniad strategol i nifer o wasanaethau gan gynnwys addysg, datblygu economaidd, gwasanaethau priffyrdd a bwrdeistrefol, cynllunio ac adfywio. Ef hefyd oedd Cyfarwyddwr Arweiniol Bwrdd Uchelgais Economaidd Gogledd Cymru, gan arwain ar gais llwyddiannus Cynllun Twf Gogledd Cymru (£1 biliwn), gan weithio’n agos gyda’r sector preifat ar draws y rhanbarth.
Mae Iwan hefyd yn Gadeirydd Gafael Llaw, elusen leol sy’n cefnogi plant a phobl ifanc yr ardal sy’n dioddef o ganser.
Mae Iwan yn frwd dros weithio mewn partneriaeth, yn enwedig i fynd i’r afael ag anghydraddoldeb ac i greu cyfleoedd. Ei nod yw defnyddio ei sgiliau amrywiol i wneud gwahaniaeth gwirioneddol – yn Adra, Gafael Llaw ac o fewn ei gymuned leol.
Sarah Schofield
Cyfarwyddwr Cwsmeriaid a Chymunedau
Cyn ymuno â Adra, gweithiodd Sarah fel Cyfarwyddwr Cynorthwyol Gwasanaethau Bro a Rheoleiddiol i Gyngor Bolton. Cyn ei chyfnod yn Bolton, gweithiodd i Gynghorau Burnley a Tameside.
Yn ogystal â chael gradd mewn Iechyd yr Amgylchedd a Tai, mae Sarah hefyd yn Aelod Siartredig o Sefydliad Iechyd yr Amgylchedd. Ymhellach i’w swyddi yn y sector gyhoeddus, mae Sarah hefyd wedi bod mewn sawl rôl gwasanaethau cwsmer yn y sector breifat.
Mae Sarah yn siaradwr Cymraeg rhugl wedi mynychu’r ysgol drwy gyfrwng y Gymraeg ac astudio addysg bellach ym Mhrifysgol Bangor.
Rhys Parry
Cyfarwyddwr Adnoddau
Mae Rhys wedi gweithio mewn swyddi cyllid am 30 mlynedd mewn nifer o sectorau amrywiol, gan gynnwys addysg uwch, llywodraeth leol, y sector dai ac i gwmnïau preifat. Cyn ymuno â Adra yn 2015, bu’n gweithio i Brifysgol Bangor am ddeng mlynedd.
Ar ôl derbyn gradd cyd-anrhydedd mewn Mathemateg a Thechnoleg Gwybodaeth o Brifysgol Manceinion, cymhwysodd Rhys fel cyfrifydd. Mae’n aelod llawn o’r Gymdeithas Cyfrifwyr Siartredig Ardystiedig (ACCA). Mae’n siaradwr Cymraeg, ac yn briod â dau o blant.
Daniel Parry
Cyfarwyddwr Eiddo a Datblygu
Mae Daniel wedi gweithio ym maes cynnal a chadw adeiladau ac adeiladu ers dros 25 mlynedd, gan weithio i gontractwyr, awdurdodau lleol a thair cymdeithas dai wahanol ar draws gogledd Cymru. Mae Daniel wedi ennill HNC mewn Astudiaethau Adeiladu, BSC (Anrh) mewn Arolygu Adeiladau a Rheoli Cynnal a Chadw ac mae’n Aelod llawn o’r Sefydliad Siartredig Adeiladu. Yn ogystal â’i yrfa gynnar yn cynnal arolygon adeiladu manwl a rheoli contractau adnewyddu, mae wedi mynd ymlaen i arwain ar brosiectau buddsoddi tai mawr a goruchwylio’r gwaith o adeiladu dros fil o gartrefi newydd.
Delyth Williams
Cyfarwyddwr Pobl a Cyfathrebu
Fe ymunodd Delyth gydag Adra yn 2012 fel Cyfarwyddwyr Cynorthwyol Gwasanaethau Pobl cyn cael ei phenodi fel Cyfarwyddwr Pobl a Chyfathrebu.
Mae Delyth yn aelod o’r Chartered Institute of Personnel and Development a gyda dros 30 mlynedd o brofiad o arwain timau yn y meysydd Adnoddau Dynol, Newid Cyfundrefnol, Hyfforddiant a Datblygu, Iechyd, Diogelwch a’r Amgylchedd, Perfformiad a Risgiau, Rheoli Cyfleusterau a Chyfathrebu.
Tu allan i gwaith mae Delyth yn mwynhau treulio amser gyda ei theulu, cerdded y ci, garddio a theithio.