Sgwteri Symudedd
Os ydych chi’n ystyried prynu neu logi sgwter symudedd, cymerwch olwg ar y cyngor yma.
Mae gwahanol fathau o sgwteri symudedd / cymorthyddion symudedd ar gael:
Dosbarth 1
Cadeiriau olwyn maniwal ydi rhain, felly nid ydynt yn cael eu hystyried fel sgwter symudedd
Dosbarth 2
Cadeiriau olwyn hefo pŵer, neu sgwter symudedd wedi eu dylunio hefo 3 /4 olwyn i ddefnyddio ar balmentydd sy’n teithio ar gyflymder o 4 milltir yr awr.
Dosbarth 3
Sgwter 4 olwyn hefo cyflymder uchaf o 8 milltir yr awr. Mae gan rhain olau, golau troi, golau rhybuddio,corn a drych edrych i’r tu ôl wedi ei osod yn fewnol neu allanol. Rhaid i chi gofrestru sgwter dosbarth 3 gyda Asiantaeth Trwyddedu Gyrwyr a Cherbydau (DVLA).
Rhestr wirio
Dyma bethau i chi ystyried cyn prynu neu logi sgwter symudedd. Allwch chi…
- yrru sgwter symudedd yn ddiogel heb achosi perygl i unrhywun neu eich cartref
- ei gadw mewn cyflwr da
- drefnu a thalu am y sgwter os yw’n torri
- trefnu yswiriant rhag niwed personol, difrod i fannau mewnol ac allanol a niwed posib i eraill
- drefnu praw PAT (Prawf Offer Cludadwy), blynyddol ar yr offer gwefru a darparu y ddogfen prawf fel tystiolaeth i ni
- wneud yn siwr fod golau priodol ar y sgwter adefnyddio siaced adlewyrchol (high vis) a gosod bandiau adlewyrchol mewn mannau amlwg ar y sgwter
Mae nifer o broblemau diogelwch tan yn gallu digwydd oherwydd sgwteri symudedd, fel y rhain:
• Achosi rhwystrau mewn mannau cyffredin – ni ddylid eu gadael mewn mannau cyffredin
• Rhwystro llwybrau dianc mewn eiddo tenantiaid
• Gwefru mewn llefydd amhriodol
Storfa Sgwter
Os ydych yn dymuno storfa diogel i gadw eich sgwter, cymerwch olwg ar y Cwestiynau yma…
Beth yw storfa sgwter?
Lle er mwyn cadw a gwefru (charge) sgwteri symudedd tenantiaid yn ddiogel.
Pwy all wneud cais am storfa sgwter?
- Tenantiaid sydd yn byw mewn safle tai gwarchod neu fflatiau cyffredinol ac felly’n rhannu ardaloedd cyffredin a chynteddau
- Tenant sydd á sgwter symudedd Dosbarth 2 neu 3
- Tenant sydd ddim efo lle addas arall i gadw a gwefru’r sgwter symudedd
Sut i wneud cais am storfa sgwter?
Rhaid cwblhau ffurflen gais.
Unwaith y byddwn wedi derbyn eich ffurflen gais bydd eich cais yn cael ei asesu a byddwn yn cysylltu gyda chi wedyn gyda’r penderfyniad.
Ga i gadw pethau eraill a’r sgwter symudedd yn y storfa sgwter?
Na
Oes rhaid i mi dalu am storfa sgwter?
Oes. Y pris yw £72 y flwyddyn.
Byddwch angen goriad i’r storfa, os fyddwch yn colli hwn, bydd rhaid i chi dalu am copis ychwanegol
Be’ nesaf?
Os ydych wedi darllen trwy’r cyngor uchod ac yn meddwl y gallwch ddefnyddio yn ddiogel heb achosi problemau mewn ardaloedd cymunedol, cysylltwch â ni.