Symud i gartref newydd
Pob dymuniad da i chi yn eich cartref newydd.
Mae ambell beth sydd yn rhaid i chi ei wneud wrth symud o’ch hen gartref ac i’ch cartref newydd.
Cyn i chi gael eich goriadau
- Gorffen eich contract presennol, cymerwch olwg ar ein taflen Gorffen eich Contract a Symud Allan.
- Trefnu i weld y tŷ gyda ni (peidiwch â mynd i’r eiddo heb aelod o’n staff).
- Cofiwch:
- Rydym yn darparu lloriau
- Nid ydym yn darparu dodrefn na chyfarpar
- Efallai na chaniateir lloriau ‘laminate’ gan eu bod yn achosi sŵn i gymdogion
Cyn i chi symud i mewn
- Talu unrhyw rent a thaliadau ar eich contract presennol.
- Talu un wythnos o rent a thaliad gwasanaeth (os yn berthnasol) ymlaen llaw wrth lofnodi eich contract newydd.
- Sicrhau bod ceisiadau budd-dal tai a gordaliadau wedi’u datrys.
- Siarad â’n tîm Gosod, Shelter Cymru neu Gyngor ar Bopeth os oes angen cymorth.
- Os yn berthnasol, trafod gyda’ch gweithiwr cymdeithasol/cymorth.
Rhestr Wirio ar gyfer Symud
- Cymryd darlleniadau terfynol ar gyfer nwy, trydan a dŵr yn eich hen gartref a rhoi gwybod i’r cyflenwyr. Gwnewch yr un peth pan fyddwch yn symud i mewn.
- Datgysylltu’r ffôn a threfnu cyfrif newydd neu drosglwyddo.
- Cysylltu â’ch darparwyr band eang/teledu.
- Trefnu ail wiriad nwy gyda ni ar ôl i chi symud i mewn.
- Trefnu ailgyfeirio post gyda’r Post Brenhinol.
- Diweddaru eich cyfeiriad gyda’ch meddyg, deintydd, gweithiwr cymdeithasol ac eraill.
- Rhoi gwybod i’r adran Budd-dal Tai a Threth Gyngor yn eich awdurdod lleol.
- Trefnu yswiriant cynnwys cartref.
- Gwiriwch gasgliadau bin a gwasanaethau lleol gyda’ch cyngor.