Y Bwrdd
I sicrhau ein llwyddiant, mae’n hanfodol ein bod yn cael ein llywodraethu yn effeithiol er lles ein cwsmeriaid. Mae llywodraethiant yn disgrifio’r modd yr ydym yn cael ein rheoli.
Caiff trefniadau llywodraethol holl Gymdeithasau Tai yng Nghymru eu rheoleiddio gan Lywodraeth Cymru. Am wybodaeth bellach am hyn, ewch i’n tudalen Rheoleiddio. Mae’r cwmni hefyd yn dilyn arferion gorau’r sector, gan gynnwys cydymffurfio â Chôd Llywodraethu CHC.
Mae gennym Fwrdd cryf o Gyfarwyddwyr Anweithredol, sy’n gwneud penderfyniadau busnes allweddol ac yn pennu blaenoriaethau a chyfeiriad strategol y cwmni. Mae hyn o gymorth i sicrhau bod y cwmni yn aros yn:
- hyfyw
- yn cael ei redeg yn dda
- cyflawni’r canlyniadau mae wedi cael ei greu i’w cyflawni
Mae cyfansoddiad a gweithrediad y Bwrdd yn cael eu llywodraethu gan ein Rheolau.
Mae gan y Bwrdd bedwar Pwyllgor sy’n adolygu meysydd busnes penodol:
- y Pwyllgor Archwilio a Sicrwydd
- y Pwyllgor Cwsmeriaid ac Asedau
- Pwyllgor y Trysorlys
- Pwyllgor Penodi, Tâl, Disgyblu a Phobl (PPTDP)
Mae’r rhain yn ymdrin â meysydd busnes penodol, ac mae eu cylch gorchwyl yn cael ei ddiffinio gan ein Rheolau Sefydlog.
Mae ein Bwrdd o faint hyblyg, yn amrywio o 9 a 12 aelod llawn. Mae hyn yn cynnwys 2 aelod tenant a hyd at 2 o Awdurdod Lleol. Rydym hefyd yn cyethol Aelodau ychwanegol i ddod â sgiliau penodol ychwanegol. Mae Aelodau’r Bwrdd yn meddu ar wahanol sgiliau, gwybodaeth a phrofiadau i roi trosolwg gwrthrychol a chryfhau’r ffordd rydym yn cael ein rheoli.
Cyfleoedd i ymuno gyda’r Bwrdd
Dod i adnabod ein Aelodau Bwrdd
Sasha Davies (Cadeirydd)
(Aelod Annibynnol o’r Bwrdd)
Sasha yw Cadeirydd ein Bwrdd. mae hi hefyd yn cadeirio’r PPTDP. Mae Sasha yn gyfarwyddwraig ei busnes / ymgynghoriaeth ei hun yn arbenigo mewn datblygu busnes a chymuned ac ymgysylltu gyda rhanddeiliaid. Roedd Sasha hefyd yn gwasanaethu fel Pennaeth Masnachol gyda Chyfoeth Naturiol Cymru a chyn hynny yn Bennaeth Datblygiad Strategol Cymru gyda Horizon Nuclear Power. Rolau eraill y mae hi wedi ymgymryd â nhw yw Cyfarwyddwr Strategol Economi a Lle gyda Chyngor Sir Conwy a Chyfarwyddwr Rhaglen ar gyfer Ynys Ynni Ynys Môn.
Dafydd Edwards (Is-gadeirydd)
(Aelod Annibynnol o’r Bwrdd)
Dafydd yw Is-gadeirydd ein Bwrdd. Yn ogystal Dafydd yw Cadeirydd y Pwyllgor Trysorlys ac mae’n eistedd ar y Pwyllgor Archwilio a Sicrwydd a’r PPTDP.
Mae’n gyfrifydd cymwysedig ac wedi dal nifer o rolau strategol yng Nghyngor Gwynedd, gan gynnwys bod yn rhan o drafodaethau pan drosglwyddwyd stoc tai’r Cyngor yn 2010; a gwasanaethu fel Trysorydd am 19 mlynedd. Mae rolau eraill wedi cynnwys Cyfarwyddwr Cronfa Bensiwn Gwynedd; Swyddog Cyllid Statudol Awdurdod Parc Cenedlaethol Eryri; a Thrysorydd Awdurdod Tân ac Achub Gogledd Cymru.
Deiniol Evans
(Aelod Annibynnol o’r Bwrdd)
Mae Deiniol yn Gadeirydd Pwyllgor Cwsmeriaid ac Asedau, a chyn hynny bu’n gwasanaethu ar is-gwmni Adra, Medra. Mae ganddo dros 40 mlynedd o brofiad proffesiynol amrywiol yn y diwydiant adeiladu, gyda 28 mlynedd yn y sectorau preifat, cyhoeddus a chymdeithasau tai ar lefel uwch reolwyr. Mae’n Syrfëwr Siartredig a chyn ei ymddeoliad, bu’n Gyfarwyddwr Datblygu a Gwasanaethau Technegol gyda Grŵp Tai Pennaf. Cyn ymuno â’r Grŵp yn 2003 ef oedd Cyfarwyddwr Datblygu a Gwasanaethau Technegol Cymdeithas Tai Gogledd Cymru.
Will Nixon
(Aelod Annibynnol o’r Bwrdd)
Mae Will yw Cadeirydd T Pwyllgor Archwilio a Sicrwydd. Mae Will yn aelod o Sefydliad Siartredig Tai wedi iddo dreulio dros 30 mlynedd yn gweithio yn y proffesiwn. Mae ganddo brofiad o gyflwyno rhaglenni adfywio mawr, a rolau uwch o fewn polisi tai a rheoli tai. Yn fwy diweddar roedd Will yn Ddirprwy Brif Weithredwr Aspire Housing lle’r oedd hefyd yn Reolwr Gyfarwyddwr eu his-gwmni hyfforddi menter gymdeithasol. Mae’n Aelod Bwrdd Social Enterprise UK ac mae hefyd wedi gwasanaethu fel Aelod Bwrdd Sefydliad Siartredig Tai a Byrddau Housemark.
Cai Larsen
(Aelod o’r Bwrdd wedi’i Enwebu gan yr Awdurdod Lleol)
Mae Cai yn eistedd ar y Pwyllgor Archwilio a Sicrwydd a’r PPTDP. Mae ganddo 20 mlynedd o brofiad fel Prifathro ysgol gynradd leol, gan feithrin profiad yn y meysydd cyllid; newid; a rheoli pobl. Mae’n gwasanaethu ar nifer o Bwyllgorau’r Cyngor.
Huw Gareth Pritchard
(Aelod Annibynnol o’r Bwrdd)
Mae Gareth yn eistedd ar y Pwyllgor Archwilio a Sicrwydd a’r PPTDP. Mae wedi ymddeol o Heddlu Gogledd Cymru ar ôl 34 mlynedd o wasanaeth, gan gynnwys ei rôl fel Prif Swyddog. Yn ei waith roedd yn arwain ar brosiectau cenedlaethol, gan gynnwys yr iaith Gymraeg ar gyfer heddluoedd Cymru. Mae hefyd yn gwasanaethu fel Llywodraethwr Ysgol ac yn wirfoddolwr Chwilio ac Achub.
Hywel Eifion Jones
(Aelod Bwrdd Annibynnol)
Bu Eifion yn Gadeirydd y Bwrdd yn flaenorol, ac mae bellach yn aelod o Bwyllgor Archwilio a Sicrwydd y Bwrdd, y Pwyllgor Trysorlys â’r PPTDP. Mae yn aelod cyswllt o’r Sefydliad Siartredig ar gyfer Bancwyr, ar ôl 34 mlynedd mewn swyddi uchel gyda Barclays. Mae hefyd wedi gwasanaethu fel Cynghorydd ar Gyngor Ynys Môn ac fel aelod o Awdurdod Heddlu Gogledd Cymru. Erbyn hyn mae’n Ynad ac yn aelod o Fwrdd Pensiynau Gwynedd, a Thribiwnlys Eiddo Preswyl Cymru.
Sharyn Williams
(Aelod Tenant)
Mae Sharyn yn eistedd ar y Pwyllgor Cwsmeriaid ac Asedau a’r PPTDP.
Mae ganddi MA mewn Polisi Cymdeithasol ac Ymchwil Cymdeithasol ac wedi gweithio fel Hyfforddai Cynghori Gyrfaoedd.
Mae Sharyn hefyd wedi gweithio i Brifysgol Bangor fel Swyddog Ymgysylltu a Thiwtor Cyswllt Myfyrwyr. Mae hi hefyd yn Arweinydd Uned ar gyfer Girlguiding Cymru.
Dawn Jones
(Aelod o’r Bwrdd wedi’i Enwebu gan yr Awdurdod Lleol)
Mae Dawn yn aelod o’r Pwyllgor Cwsmeriaid ac Asedau. Mae gan Dawn dros 30 mlynedd o brofiad o weithio gyda phlant, pobl ifanc, a’u teuluoedd. Mae hi yn Is-Gadeirydd Llywodraethwyr Ysgol Maesincla, a Thrysorydd grŵp cymunedol Llygaid Maesincla. Yn ei rôl fel Cynghorydd, mae Dawn yn aelod o nifer o Bwyllgorau Cyngor Gwynedd.
Nick Bennett
(Aelod Annibynnol o’r Bwrdd)
Mae Nick yn eistedd ar y Pwyllgor Cwsmeriaid ac Asedau.
Ymunodd Nick â Savills ym mis Ebrill 2022 fel Cyfarwyddwr Economeg Cymru, gyda 30 mlynedd o brofiad mewn polisi cyhoeddus, gyda ffocws penodol ar ddatblygu economaidd ac adfywio.
Yn ddiweddar, cwblhaodd dymor llawn fel Ombwdsmon Gwasanaethau Cyhoeddus Cymru, cyn hynny, yn Brif Weithredwr Cartrefi Cymunedol Cymru. Yn wreiddiol o Ynys Môn, mae Nick yn falch iawn o fod wedi sefydlu Menter Môn. Treuliodd bum mlynedd ym Mrwsel yn gweithio yn Canolfan Ewropeaidd Cymru, yn lobïo dros fwy o gymorth rhanbarthol i Gymru. Bu hefyd yn Gynghorydd Arbennig i’r Gweinidog Datblygu Economaidd yn ystod llywodraeth gyntaf y datganoli.
Mae wedi bod yn aelod o Fwrdd yr Iaith Gymraeg a Bwrdd Cynghori Ofcom dros Gymru, ac yn aelod o nifer o Gomisiynau Llywodraeth Cymru, gan gynnwys Confensiwn Cymru Gyfan a’r Comisiwn Gwasanaethau Cyhoeddus
Helen Pye
(Aelod Annibynnol o’r Bwrdd)
Mae Helen yn eistedd ar y Pwyllgor Cwsmeriaid ac Asedau.
Mae ganddi radd mewn Cadwraeth Cefn Gwlad o Brifysgol Aberystwyth ac ar hyn o bryd mae Helen yn gweithio fel Cyfarwyddwr y Gyfarwyddiaeth Ymgynghori o fewn yr Ymddiriedolaeth Genedlaethol.
Mae Helen wedi gweithio yn y gorffennol i Awdurdod Parc Cenedlaethol Eryri fel Pennaeth y Gwasanaeth Ymgysylltu ac fel Rheolwr Partneriaeth.
Mae gan Helen gefndir hefyd fel warden o fewn y Parc Cenedlaethol a Pharc Cenedlaethol Bannau Brycheiniog.
Ellen Thirsk
(Aelod Cyfetholedig)
Mae Ellen yn aelod o’r Pwyllgor Cwsmeriaid ac Asedau.
Hi yw Prif Weithredwr Antur Waunfawr, trwy’r rôl yma mae Ellen wedi chwarae rhan flaenllaw mewn materion gofal cymhleth, gwasanaethau cymunedol, a materion masnachol. Mae gyrfa Ellen hefyd wedi cynnwys rolau uwch yng Nghymdeithas Tai Eryri (Grŵp Cynefin bellach) ac o fewn y GIG. Ymhellach, mae gan Ellen hanes helaeth o arweinyddiaeth ar Fyrddau ac yn y gymuned, gan gynnwys rolau gyda Galeri Cyf, fel llywodraethwr ysgol, a’r Samariaid.
Elizabeth George
(Aelod Cyfetholedig)
Mae Elizabeth yn aelod o’r Pwyllgor Archwilio a Sicrwydd.
Mae hi’n gyfreithwraig gymwysedig gyda phrofiad helaeth ar draws y trydydd sector a busnes. Ar hyn o bryd mae Elizabeth yn gwasanaethu fel Pennaeth Busnes yn GISDA, ac mae ei gyrfa hefyd yn cynnwys degawd fel perchennog-reolwr caffi lleol llwyddiannus, yn ogystal â gwaith cynharach mewn ymarfer cyfreithiol. Ochr yn ochr â’i chyflawniadau proffesiynol, mae hi wedi treulio dros ugain mlynedd yn cyfrannu at fywyd cyhoeddus a gwirfoddol, gan gynnwys rolau fel Cynghorydd Tref Cricieth ac fel ymddiriedolwr/cyfarwyddwr ar gyfer sawl sefydliad diwylliannol a chymunedol.
Bwrdd Medra
Nigel Sinnett
(Cadeirydd Medra / Medra Board Member )
Mae Nigel yn ymgynghorydd eiddo a datblygu, ac yn Syrfewr Siartredig wrth ei alwedigaeth. Wedi cyfnod o 19 mlynedd yn gweithio i Grwp Ateb fel Cyfarwyddwr Gwasanaethau Eiddo daw a sgiliau gwerthfawr rheoli cyfleusterau ac ystadau, peirnianyddol a datblygu. Mae wedi gwasanaethu ar sawl grwpiau llywio Llywodraeth Cymru, ac yn gyn-Gadeirydd Fforwm Technegol Tai Cymunedol Cymru a Chadeirydd Grwp Gorllewin Cymru o’r RICS. Mae’n gefnogwr brwd o rygbi rhanbarthol, y celfyddydau ac yn Aelod Bwrdd o Theatr Torch, Aberdaugleddau.
Rhys Parry
Rhys Parry yw Cyfarwyddwr Adnoddau Adra a mae’n eistedd ar fwrdd Medra.
Mae Rhys wedi gweithio mewn swyddi cyllid am 30 mlynedd mewn nifer o sectorau amrywiol, gan gynnwys addysg uwch, llywodraeth leol, y sector dai ac i gwmnïau preifat. Cyn ymuno â Adra yn 2015, bu’n gweithio i Brifysgol Bangor am ddeng mlynedd.
Ar ôl derbyn gradd cyd-anrhydedd mewn Mathemateg a Thechnoleg Gwybodaeth o Brifysgol Manceinion, cymhwysodd Rhys fel cyfrifydd. Mae’n aelod llawn o’r Gymdeithas Cyfrifwyr Siartredig Ardystiedig (ACCA). Mae’n Gadeirydd y Llywodraethwyr ysgol gynradd leol, mae’n siaradwr Cymraeg, ac yn briod â dau o blant.
Bod yn aelod o’r Bwrdd
Mae bod yn Aelod o’r Bwrdd yn gofyn bod gan aelodau amser i’w roi sy’n cynnwys:
- mynychu cyfarfodydd
- digwyddiadau
- hyfforddiant.
Roddir cefnogaeth i aelodau’r Bwrdd a gallent fanteisio ar gyfleoedd datblygu parhaus. Mae Adra bob amser yn awyddus i glywed gan rai sydd â diddordeb ymuno â’n Bwrdd.
Am sgwrs anffurfiol cysylltwch ag Aled Davies, Pennaeth Llywodraethu:
- ebost: llywodraethu@adra.co.uk
- ffôn:0300 123 8084