Ymgynghori

Nid oes ymgynghoriad ar agor ar hyn o bryd.

Cynnal a Chadw Tiroedd

Rydym wedi adolygu sut rydym yn cynnal a chadw tiroedd a reolir gan Adra.

Dyddiad cau yr ymgynghoriad: 18/05/2026.

Ymgynghoriad Cynnal a Chadw Tiroedd 2026

Ymddygiad Gwrthgymdeithasol a Throsedd Casineb

Yn ystod misoedd Chwefror a Mawrth 2026, cynhaliwyd ymgynghoriad ar ein ‘Polisi Ymddygiad Gwrthgymdeithasol a Throseddau Casineb’, sy’n amlinellu sut rydym yn delio gyda’r gwaith yma yn Adra.

Rydym bellach wedi cwblhau ein cyfnod ymgynghori ar gyfer yr adolygiad 3 blynedd hwn a hoffwn  ddiolch yn fawr iawn i bawb wnaeth ymateb – da ni wir yn gwerthfawrogi eich adborth. Roedd lefel yr ymateb a gawsom yn gadarnhaol iawn gyda bron i 40 o gwsmeriaid a adroddodd Ymddygiad Gwrthgymdeithasol i’n tîm Gwasanaethau Bro yn rhoi adborth i ni.

Yn ôl yn 2022, dilynwyd arfer da o fewn y sector a chyfuno ein polisïau Ymddygiad Gwrthgymdeithasol a Throseddau Casineb, er mwyn sicrhau un dull cyson a’r lefel ymateb mewn perthynas â digwyddiadau a adroddwyd, ac nid ydym wedi gweld unrhyw reswm i wahanu’r ddau bolisi fel rhan o’r adolygiad yma.

Mewn ymateb i’r adborth hwn, rydym wedi ystyried gwahanol senarios a godwyd yn erbyn y Polisi yn ogystal â Datganiad Gweithdrefnau Atodlen 1, sy’n statudol i unrhyw Bolisi Ymddygiad Gwrthgymdeithasol, ac o ganlyniad wedi gwneud rhai newidiadau i’n prosesau, yn enwedig mewn perthynas â rheoli disgwyliadau a chadw ein cwsmeriaid yn gyfredol â’r achos.

Fel gydag unrhyw Bolisi, mae ei fanylion wedi’u cynllunio i gynorthwyo i gyflawni’r canlyniadau gorau posibl i’r holl rhandeiliad. Yn achos Ymddygiad Gwrthgymdeithasol a Throseddau Casineb, y brif ystyriaeth yw mewn perthynas â rhesymoldeb a chymesuredd, er mwyn sicrhau ein bod yn cael y cydbwysedd cywir rhwng rheoli ymddygiad drwg ac amddiffyn y rhai yr effeithir arnynt ganddo.

Fel rhan o’r adolygiad, rydym hefyd wedi cael adborth gan Heddlu Gogledd Cymru, a gynigiodd sicrwydd mewn perthynas â pharhad y cysylltiadau partneriaeth gryf sydd gennym â nhw.

Unwaith eto, rydym yn hynod ddiolchgar i chi am eich adborth wrth i ni geisio gwella’r gwasanaethau ddarparwn yn barhaus – diolch.

Ymgynghoriad Oriau Gwasanaeth Trwsio

Rydym yn adolygu oriau ein gwasanaeth trwsio i sicrhau eu bod yn adlewyrchu anghenion ein tenantiaid yn well ac yn cefnogi gwasanaeth mwy esmwyth a dibynadwy.

Rhan allweddol o’r adolygiad yma ydy ceisio gwella mynediad i gartrefi y tro cyntaf.

Mae apwyntiadau sydd yn cael eu methu yn arwain at:

• oedi
• teithio ychwanegol
• costau sylweddol ychwanegol

Ymgynghoriad Cynllun Corfforaethol 2025-28

Diolch yn fawr iawn i bawb rannodd eu sylwadau gyda ni fel rhan o’n hymgynghoriad mis Medi.

Mae’r adborth yma wedi ein helpu i lunio ein Cynllun Corfforaethol newydd, a fydd yn cael ei lansio yn 2025 ac yn amlygu ein blaenoriaethau fel cwmni rhwng 2025 a 2028.

Ymgynghoriad Cynllun Corfforaethol Adra 2025-2030

Diweddaru ein Polisi Addasiadau

Diolch yn fawr iawn i’n tenantiaid, partneriaid a rhanddeiliaid a roddodd adborth ar ein Polisi Addasiadau newydd arfaethedig yn ystod mis Medi 2024.

Bu’r adborth a dderbyniwyd yn gymorth i lunio’r Polisi terfynol a gymeradwywyd gan ein Bwrdd ym mis Tachwedd 2024. Os hoffech weld copi o’r polisi newydd, cysylltwch â Thîm Cymunedau a Phartneriaethau Adra ar 0300 1238084 neu Cymunedol@adra. co.uk

Unwaith eto, diolch i chi am rannu eich barn gyda ni. Mae eich adborth yn bwysig iawn ac yn ein helpu i ddylunio a gwella’r gwasanaethau da ni yn eu darparu i chi.

Hunanwerthusiad Adra 2022-23  – Ymgynghori gyda Chwsmeriaid

Yn ystod yr Haf cafodd ymarferiad Hunanwerthuso ei gynnal. Mae Hunanwerthuso yn golygu edrych yn onest ar sut mae’r sefydliad wedi perfformio yn ystod y flwyddyn.

Darllen y canlyniadau

Ymgynghoriad Lleithder, Llwydni a Chyddwysedd

Mae ein Polisi Lleithder a Chyddwysiad yn cael ei hystyried yn ddogfen sy’n torri tir newydd yn y sector tai, a rydym ni yn un o’r landlordiaid cymdeithasol cyntaf i ddatblygu a mabwysiadu polisi o’r fath.

Y polisi hwn oedd y cyntaf yr ymgynghorwyd arno ers lansio ein Strategaeth Gyfranogi newydd – ‘Eich Llais’ ym mis Mawrth 2023.

Fel rhan o’r broses ymgynghori, fe wnaethom adnabod 80 cartref a oedd wedi nodi problemau gyda lleithder a chyddwysiad. Derbyniodd pob un o’r 80 cartref gopïau o’r dogfennau perthnasol a gofynnwyd iddynt am eu barn a’u sylwadau ar y polisi newydd arfaethedig. Ymwelodd ein swyddogion hefyd â 25% o’r eiddo yma yn bersonol i gasglu barn ac adborth y rhai yr effeithiwyd. Fe wnaethom hefyd gynnal ymgynghoriad ehangach trwy ein gwefan a sianeli cyfryngau cymdeithasol.

Derbyniwyd adborth ardderchog ac adeiladol, a  Bwrdd Adra, hyn oll wedi ein helpu i lunio’r ddogfen derfynol. Cymeradwyodd Bwrdd Adra’r polisi yn eu cyfarfod ym mis Hydref 2023.

Ymgynghoriad Cyfathrebu

Mae clywed barn a phrofiadau’r bobl sydd yn byw yn ein cartrefi ac yn derbyn ein gwasanaethau yn hynod bwysig, ac yn ein helpu i wella’r gwasanaethau byddwn yn darparu i chi. I sicrhau ein bod yn clywed barn gymaint o’n cwsmeriaid a phosib, mae’n bwysig ein bod yn gwybod sut hoffech chi gymryd rhan efo ni.

Darllen canlyniadau’r ymgynghoriad cyfathrebu

Ymgynghoriad Rhent y farchnad agored

Rydym wedi adolygu polisi ein cartrefi Rhent y Farchnad agored rhwng 09 Medi 2022 a 23 Medi 2022.

Rydym yn dadansoddi’r canlyniadau ar hyn o bryd.

Ymgynghoriad Safon Ansawdd Tai Cymru

Rydym wedi anfon eich adborth ymlaen fel rhan o’n ymateb i Lywodraeth Cymru,

Rydym yn aros am adborth gan Llywodraeth Cymru.

Arolwg argyfwng costau byw 

Diolch am yr adborth a dderbyniwyd yn ystod yr ymgynghoriad yma.

Darllen canlyniadau Arolwg Costau Byw

Polisi Awyru

Diolch am yr adborth a dderbyniwyd yn ystod yr ymgynghoriad yma.

Mae’r adborth yma wedi ein helpu i lunio’r polisi terfynol.

Mae’r Polisi wedi cael ei gymeradwyo gan Fwrdd Adra.